Tiltakið Grannakaffi, sum verður í Meinigheitshúsinum í Vági í dag, er samstundis eisini ein syng føroyskt dagur, tí til tiltakið koma fleiri sangarar og tónleikarar at framføra.
Ingun Háberg hevur sett ein vársang á skránna til Grannakaffi. Ingun spælir og syngur nógv, bæði privat og í starvinum í Vágs skúla. Á jólum sang hon kórrødd til flottu jólakonsertina í SALT.
Anna,r ið eisini kemur at syngja og spæla er Dagfinn Olsen, ið eins og Ingun er lærari í Vágs skúla, og nýtir hann nógva tíð at undirvísa í tónleiki og spæla tónleik í skúlanum, eins og í frítíðini. Vit kenna hann eittnú fyri sangirnar Fagri Flokkur og Vovið av Guði. Sangirnir, ið Dagfinn kemur at syngja og spæla í dag bera brá av sálmi og fólkatónleiki.
Men tað eru ikki bara tilflytararnir Dagfinn og Ingun, ið koma at syngja tí lokali Rúni í Lágabø, sum javnan er at hoyra í ymiskum rásum, verður eisini partur av grannakaffitiltakinum, og kemur hann at syngja ymiskt, hann hevur latið úr hondum gjøgnum ár og dag.
Tiltakði Grannakaffi verður í Meinigheitshúsinum í Vági hósdagin 9. mars kl. 15.00 – 18.30 og tónleikaframførslurnar eru millum 16.00-17.00.d
##med2##
Ingun Háberg
##med3##
Dagfinn Olsen
##med4##
Rúni í Lágabø
