Ein kanning hjá grønlendska landsstýrinum vísir, at Grønland hevur fingið nógva umrøðu í fjølmiðlum ymsastaðni kring heimin, síðani farið varð undir átakið Branding Greenland.
Kanningin vísir, at í fjølmiðlum í Týsklandi, Bretlandi, USA og Svøríki hevur Grønland fingið so nógva umrøðu, at skuldu grønlendingar fingið sama úrslit við lýsingum, hevði tað kostað 39 milliónir krónur.
Branding Greenland er eitt átak, sum landsstýrið, ferða- og vinnumálaráðið, Air Greenland og Royal Greenland hava skipað.
