Maðurin, sum eigur kioskina Illumiut Kiosk í Ilulissat, Anthon Geisler, fylti 99 ár mikudagin. Hann er føddur og uppvaksin í avtoftaðu bygdini, Skansen - ella Aamaruutissat - við Qeqertarsuaq.
Upprunaliga er maðurin útbúgvin bakari í 1952, og hann hevur arbeitt sum sjálvstøðugur í Ilulissat síðan í sekstiárunum.
Fyrst hevði hann kaffistovu í egnu húsum sínum, og í byrjanini av sjeytárunum fekk hann sær kioskina, sum hann framvegis eigur og rekur.
Hóast høga aldurin er Anthon Geisler hvønn dag í kioskini í tímunm frá klokkan 15 til 21 á kvøldi, og hann hevur ongar ætlanir um at gevast.
- Eg fari at arbeiða so leingi, eg kann, tí eg stúri fyri, at eg steðgi upp, um eg gevist. Men, eg veit, at tann dagur kemur, tá eg noyðist at gevast at arbeiða, sigur hin 99 ára gamli við www.sermitsiaq.ag
Tað eru bert fáar dagar um árið, at Anthon Geisler heldur frí, men á sjálvum 99 ára føðingardegnum mikudagin, tók hann sær av løttum og bjóðaði sínum nærmastu til opið hús.
