– Fólk sum hava góðan humor gera meg í góðum lag, sigur Anna Østerø, kokkur
Lýs teg sjálva við trimum orðum:
Ótolin, álítandi og glað
Hvat merki er bilur tín?
Ford Fiesta
Hvat merki er telefon tín?
Iphone 4s
Hvør er tín besta summarfrítíðaruppliving?
Tá vit øll familjan við maka og børnum vóru í Turkalandi í ár, tað var heilt fantastiskt J
Hvat orð ella hvønn setning nýtir tú oftast?
Vit koyra. Service á borð (og so nr. á borðinum)
Hvørjum hyggur tú at hjá hinum kyninum?
Tað man vera alt an uppá, hvønn veg hann vendur, er tað aftan, so er tað reyvin, og er tað framman, so er tað eitt elivator chekk ;)
Hvat ger teg í góðum lag?
Fólk sum hava góðan humor og gera alt fyri at onnur skulla flenna J
Hvat stressar teg?
At alt ikki gongur soleiðis, sum eg ætli
Hvør er tín yndisrættur?
Eri alt etandi, tíanverri J men skal eg velja okkurt burtur úr so er tað: Knettir, lippur og kjálkar og alt frá slaktinum so sum, seyðarhøvd, blóðpylsa, hjørtur, nýrur, speril osv
Hvat gleðir teg?
At eg havi eitt fantastiskt arbeiði, tak yvir høvdið, og ein sjeik sum klárar at halda meg út ;)
Hvat var seinasta ynskið, sum tú fekst uppfylt?
Tað minnist eg tíanverri ikki, er tað okkurt eg ynski mær, so geri eg ofta alt fyri, at tað verður uppfylt skjótast gjørligt
Hvar arbeiðir tú?
Kokkur á Barbara Fish House
Hví valdi tú at arbeiða innan júst hesa vinnu ella øki?
Eg havi altíð ætla mær at blíva kokkur.
Síðani eg var heilt lítil, havi eg altíð skula blandað meg uppí alt, sum mamma gjørdi í køkinum.
Eg minnist, at eg stóð á eini fimm liturs reyðkálsspann í spískamarinum, so eg rakk upp á borðið.
Giti at mamma er glað fyri tað í dag, at hon lat meg svansa, stoyta og órudda alt til ;)
Hvør er stuttligasta uppliving tín í starvinum?
Har eru øgiligani nógvar stuttligar hendingar, meirilutin er ikki borðbart ;)
Hvørjum tónleiki lurtar tú eftir?
Elvis Presley, Queen og annars gamlan rock tónleik
Hvat er besta uppfinningin og hví?
Vit duga so væl at taka alt, sum vit hava fyri givið, at vit koma ikki í tankar um, hvat mangla fyrr enn vit ikki hava tað, t.d tá streymurin fer ;)
Hvat er besta íløgan, tú hevur gjørt?
Bilurin, annars øll køkstingini, sum eg havi keypt gjørnum árini
Hvat er títt besta heimaráð?
Tygg áðrenn tú svølgir matin
Hevur tú nakað húsdjór?
Nei
Hvat hevði tú gjørt, um tú vann eina millión?
Betalt bilin hjá mær út og keypt sjeikinum ein nýggja bil
Hvat hevði tú gjørt, um tú vann tíggju milliónir?
Keypt mær eini nýggj hús (við stórum køki) bjóðað allari familjuni til ein betri bita og koyrt restina í bankan
Hvat er best við Føroyum og hví?
Tað er heilt avgjørt tann fríska luftin, sum vit hava her, tað er balsam fyri sálina
Hvar ert tú um 10 ár?
Trúgvi ikki eg eri farin serligani langt ;)
