Tveir føroyskir landsliðsleikarar vóru á vøllinum í bestu donsku hondbóltsdeildini í kvøld.
Rakul Wardum bjargaði 10 av 28 málroyndum, meðan kappingarneytin, Stephanie Andersen onga bjarging hevði, tá Ringkøbing megnaði javnleik 26-26 í útidysti móti Bjerringbro. Í steðginum var støðan javnleikur 14-14.
Ringkøbing er nummar 12 í deildini við 10 stigum.
Maria P. Nólsoy og liðfelagarnir í Horsens avrikaðu heiðurliga móti verandi meistarunum, Team Esbjerg.
Horsens tapti dystin 24-28, men tær vunnu seinna hálvleik 14-13. Esbjerg var á odda 15-10 í steðginum.
Maria fekk tveir málmøguleikar, og hon skoraði upp á báðar. Maria legði eisini upp til eitt mál.
Horsens er nummar 10 í deildini við 12 stigum.
