Heini O. Heinesen er til reiðar at stilla uppaftur, um boð verða eftir honum til næsta løgtingsval Summir politikarar halda stundina vera komna at gevast, tá ið teir eru komnir upp í 60-árini.
Men 72 ára gamli tjóðveldismaðurin Heini O. Heinesen hevur ongar ætlanir um at siga løgtinginum farvæl.
- Eg havi góða heilsu og haldi meg vita nógv um politikk. Eisini haldi eg meg hava ein boðskap, serliga í okkara høvuðsvinnu. Man verður bitin av tí politiska arbeiðinum, sigur Heini O. Heinesen.
