Gera nýtt campingøki

Jógvan Skorheim, borg­ar­stjóri í Klaksvík, segði við in.fo í gjár, at tey í fleiri um­før­um hava tosað um, hvussu cam­­p­ing­­økið kann skip­ast í fram­tíðini.

– Bæði vit og festi­val­fyr­i­r­eik­­ar­ar­nir ­hava alla­tíð­ina vit­­að, at verandi camp­ing­øk­i­ð er júst har, sum mið­bý­ar­ætl­­an­in skal gerast veru­leiki, og tí hava vit umrøtt fleiri møg­u­leikar.

– Ein rættiliga upp­lagd­ur møg­u­leiki er, at camp­ing­­økið komandi ár verður flutt yv­ir á ítrótt­ar­øk­i­ð. Tað vil siga á park­ering­s­økju­num, sum eru við hall­ir­nar, umframt at vøll­urin sjálvur eisini kann nýtast, um hann verður dekk­að­ur við plát­um. Eisini er eitt øki til fræls­an ítrótt við í lang­tí­ð­ar­ætl­ani­­ni fyri Klaksvík. Hetta skal ætlandi standa klárt til Oyggjaleikirnar, sum vænt­andi verða hildnir í Før­oy­um í 2019, men verð­ur hetta økið planerað longu nú, kann hetta eisini nýt­ast sum campingøki.

– Tað hevur eisini nakrar fyr­i­munir, um campingøkið er beint við ítróttarhallirnar og Svim­ji­høllina, tí her eru jú góðir møguleikar til brúsu og aðrar hent­leik­ar. Undir øllum um­støðum ætla vit ikki, at camp­ing­gest­ir­nir skulu hava verri møgu­leikar í 2014 enn teir hava havt til aðrar Summ­ar­festivalar, sigur borg­ar­stjór­in í Klaksvík.