Nú skal ein filmur gerast um Johan í Kollafirði.
Tað er Ingun í Skrivarastovu, sum skal gera filmin og upptøkurnar byrja í dag og fara at vara nakrar mánaðir.
Sjálvur heldur Johan í Kollafirði á sín sermerkta skálkasliga máta,, at tað var upp á tíðina, at ein filmur verður gjørdur um hann og hann ivast ikki í, at hevði Ingun í Skrivarastovu ikki tikið stig til hetta nú, hevði onkur annar gjørt.
Tað er nakað síðani, at hugskotið fostraðist, men tá kundi tey ikki vitað, at tað varð serstakliga aktuelt at fara undir upptøkurnar beint nú, hann stríðist fyri rættindunum til at verða verandi í Fámará, hóast festið varð boðið út og ein annar hevðu hægri boð enn hann.
Johan í Kollafirði sigur, at hann ætlar sær als ikki at leggja seg út í, hvussu filmurin verður gjørdur, tí hann fer at leggja alt í hendurnar á Ingun í Skrivarastovu og henni hevur hann fult álit á.
