Gallup Føroyar sigur í tíðindaskrivir, at broytingin fer at hava við sær, at Gallup verður meira sjónligt í samfelagnum.
Ellindur Egilstrøð, sum eigur felagið og sum hevur verið stjóri síðani Gallup byrjaði í Føroyum í 2002, heldur tó fram sum stjóri og kemur framhaldandi at hava dagligu leiðsluna av felagnum um hendi.
– Stórar rembingar eru um allan heim í hesum tíðum og broytingar henda skjótt og fíggjarliga leikar hart á mangastaðni.
Gallup Føroyar hevur fingurin á pulsinum og ynskir at verða fremst at kunna um, hvørji rák og broytingar síggjast og soleiðis veita best møguliga vitaninargrundarlag til framtíðar avgerðir, sigur Gallup Føroyar m. a. í tíðidaskrivinum.
Vevmátingarlistin hjá Gallup sum er standard listin hjá føroyskum online miðlum verður í løtuni útbygdur, so hann gerst enn eitt hentari amboð hjá bæði lýsarum, lýsingarstovum og miðlunum.
Fyri at kunna veita fyritøkum, stovnum, kommunum og øllum samfelagnum neyðuga vitan á dygdargóðan hátt, hevur Gallup Føroyar gjørt av at styrkja um leiðsluna og gera broytingar í bygnaðinum hjá felagnum frá 1. oktober 2011.
Óli á Deild Olsen verður nevndarformaður og kemur eisini at taka sær av at menna online tænasturnar hjá felagnum.
Bogi Eliasen verður forstjóri og kemur at hava høvuðsábyrgdina av Gallup Pulsinum og greining av tølum.
Fakta:
Gallup Føroyar Sp/f varð stovnað 25. apríl 2002
Leiðsla: Bogi Eliasen, forstjóri Ellindur Egilstrøð, stjóri
Nevnd: Óli á Deild Olsen, nevndarformaður: Ellindur Egilstrøð, nevndarlimur
Bogi Eliasen, nevndarlimur
Gott 20 fólk arbeiða parttíð hjá ?Gallup í Føroyum við kanningum og øðrum uppgávum.
