G20 topfundurin í Hamburg er liðugur á hesum sinni, og leiðararnir eru samdir um eina avtaluna. Og samstundis er man samdur um, at vera ósamdur. USA er framvegis ikki partur av Parisavtaluni longur.
Semja er funnin um endaskjalið frá fundinum, men teksturin er soleiðis skipaður, at man samstundis undirstrikar ósemjurnar. Har stendur millum annað, at G20 londini eru samd um, at virða veðurlagsavtaluna frá Paris, og at man vil arbeiða skjótt fyri at seta neyðugu tiltøkini í verk eftir sáttmálanum.
Samstundis er tó viðmerkt, at USA ikki stuðlar avtaluni. - Vit vátta okkara stuðul til Parisavtaluna og arbeiða sum skjótast fyri at fáa punktini í avtaluni sett í verk. Vit notera eisini, at USA hevur tikið støðu til at trekkja seg úr avtaluni, stendur í skjalinum sambært Ritzau.
Donald Trump, forseti í USA, segði fyrr í ár, at USA kortini ikki vil stuðla stóru veðurlagsavtaluni, sum allir heimsins leiðarar samdust um í franska høvuðsstaðnum í 2015.
Tað elvdi til ótta fyri, at onnur lond fóru at trekkja seg frá avtaluni, men síðani hava lond kring allan knøttin alment boðað frá, at tey framvegis virða avtaluna.
Forsetin í Fraklandi, Emmanuel Macron segði eftir fundin, at hann hevur ætlanir um at kalla inn til enn ein veðurlagstopfund i Paris tann 12. desember í ár.
G20 leiðararnir hava verið saman til ein topfund í Hamburg nú í tveir dagar, har leiðarar í 20 teimum ríkastu londunum í heimunum, hava kjakast um fleiri stórmál.
/ritzau/Reuters
