Meðan bæði Skála og B36 munnu vera væl nøgd um sítt lutakast, so gjørdist talan ikki um serliga heppið av slagnum hjá GÍ. Gøtumenn skulu nevnliga til Ventspils í Letlandi, og hvørki ítróttarliga ella fíggjarliga ljóðar tað sum nakar gloypibiti. Ventspils er annars sama liðið, sum fyri tveimum árum síðani spældi móti B68. Ta ferðina vunnu letlendingarnir 8-0 á Svangaskarði og 3-0 á heimavølli.
