Á skránni var lógarfesta dagsskráin við m.a. ársfrágreiðing og nevndarvali.
Karin Djurhuus, formaður legði fram ársfrágreiðingina við virkseminum farna árið.
Í 1998 fer felagið at arbeiða við:
?Starvsætlan fyri teir starvandi fysioterapeutarnar
?Økisfysioterapi.
Á vali 1998 vóru Sigrun Danielsen, Tóra Tóroddsdóttir og Páll á Reynatúgvu, umframt varanevndarlimirnir sum skulu veljast á hvørjum ári.
Tóra Tóroddsdóttir og Páll á Reynatúgvu ynsktu ikki afturval.
Aftur í ár var valið eitt stríðsval.
Sigrun Danielsen var afturvald, og nývald saman við henni vóru Hjørleif Niclasen og Agnas Mortensen.
Sum varalimir vóru valdar Laila á Lofti og Ann Danielsen.
Í sambandi við aðalfundin vóru formaðurin í Danske Fysioterapeuter Inger Brøndsted, og Helge Andersen á vitjan. Tey kunnaðu nevndina um starvsætlanina í Danmark, og góvu ráð um økisfysioterapi.
Tey høvdu eisini privata viðtalu við teir fysioterapeutar ið ynsktu tað.
Nýggja nevndum í felagnum er: Karin Djurhuus, form., Ingrid Jacobsen, Jónas Johnsson, Hervør Eyðinsdóttir, Sigrun Danielsen, Hjørleif Niclasen og Agnas Mortensen.
Laila á Lofti og Ann Danielsen eru varalimir.
