Fyrstu ferð í 27 ár heim áðrenn flaggdagin

Áðrenn tingsetan endaði týsdagin 24. apríl í síðstu viku hava vit fleiri ferðir hoyrt løgtingsformannin sagt, at Løgtingið undir øllum umstøðum fór til hús árðenn flaggdagin 25. apríl.

Tað verður javnan sagt, at Løgtingið vanliga fer í summarfrí fyri flaggdagin. Men spurningurin er, hvat er »vanligt«, tí tað eru nógvir føroyingar, sum ongantíð hava upplivað, at Løgtingið fer so tíðliga í summarfrí. Vit skulu 27 ár aftur í tíðina – heilt aftur til 1991 fyri at staðfesta, at Løgtingið er farið í summarfrí fyri flaggdagin 25. apríl.

Soleiðis kunnu vit siga, at Páll á Reynatúgvu tangerar metið, sum Anfinn Kallsberg hevði sum løgtingsformaður fyri 27 árum síðani.

Sjálvt um tað verður sagt, at »Løgtingið fer í summarfrí« ella at »tingsetan endar«, so endar tingsetan ikki fyrr enn á ólavsøku, tá nýggj tingseta tekur við. Løgtingið kann altíð kallast saman til fundar um neyðugt.

Niðanfyri sæst, nær seinasti tingufundur hevur verið seinastu árini. (Okkum vantar upplýsingar frá 1992, 1993 og 1995).

Tingið heim                                               Løgtingsformaður