Føroyar hava fingið fyrsta skrædlið í hesari undankappingini við 5-0 tapi ímóti Fraklandi á útivølli.
Frakland var bara klassar betri enn Føroyar, og hevði tað ikki verið fyri eitt framúr avrik hjá Jákupi Mikkelsen, og høvdu stengurnar ikki verið við okkum í fyrra hálvleiki, so torir ein ikki at hugsa hvat hevði hent. Føroyska liðið stríddist, men sjáldan hevur yvirmaktin - fyri ikki at siga ongantíð - verið so stór, sum hon var í kvøld. Kanska bara, tá Føroyar taptu 0-7 ímóti Rumenia í Bucarest í 1992.
Føroyingar lógu framvið nakrar ferðir, og Fróði Benjaminsen hevði kunnað pyntað um úrslitið í yvirtíðini.
Frakland kundi kortini ikki brúka úrslitið til so ræðuliga nógv, tí Serbia vann eisini 5-0 á Rumenia í kvøld, og teir hava sostatt tryggjað sær pláss í HM-endaspælinum. Eysturríki vann 2-1 á Litava í Wien. Frakland hevur kortini tryggjað sær 2. plássið í bólkinum og rættin at spæla tveir play-off dystir ímóti einum øðrum tveyara, um rættin at vinna sær luttøku í HM-endaspælinum í Suður-Afrika komandi summar.
Frakland-Føroyar 5-0 (2-0)
34. min. André-Pierre Gignac 1-0
39. min. André-Pierre Gignac 2-0
53. min. William Gallas 3-0
86. min. Nicolas Anelka 4-0
88. min Karim Benzema 5-0
Støðan :
1 Serbia 9 7 1 1 21-6 22
2 Frakland 9 5 3 1 15-8 18
3 Eysturríki 9 4 2 3 13-12 14
4 Litava 9 3 0 6 8-10 9
5 Rumenia 9 2 3 4 9-17 9
6 FØROYAR 9 1 1 7 4-17 4
