Fyrst var tað býflugur, so fuglar, og nú doyggja flogmýs í túsundatali í landnyrðingspartinum av USA, uttan at vísindin dugir at siga, hví tað hendir. Flogmýsnar hava stóran týdning fyri landbúnaðin, tí tær eta flogkykt av ymsum slagi, og tí kann tað gera óbótaligan skaða, um flogmýsnar hvørva, sigur lívfrøðingurin Scott Darling við AP-tíðindastovuna.
Hann og onnur vísindafólk arbeiða av øllum alvi við at kanna, hvat tað er, sum ger av við flogmýsnar.
Teir amerikonsku granskararnir siga, at kemur ikki vend í, kunnu einar 500.000 flogmýs doyggja í ár.
