Russiska trygdartænastan FSB sigur, at tey hava fyribyrgt einari drápsroynd móti ovasta leiðara á Krim-hálvoynni.
Leiðarin er Sergej Aksjonov, sum er maðurin á myndini omanfyri.
Tað er russiska tíðindastovan Interfax, sum ber hesi tíðindi í morgun, og tað er Reuters, sum endurgevur.
Sambært Interfax sigur FSB seg hava handtikið ein mann, sum Ukraina skal hava leigað til at beina fyri leiðaranum á Krim.
Interfax veit eisini at siga, at maðurin hevur starvast hjá ukrainsku trygdartænastuni SBU, har hann hevur fingið upplæring í spreinging.
