Stóra seismikk skipið Polar Empress kom í vikuni at liggja við bryggjukant í djúphavnini í Vági,og saman við tí rannsóknar- og hjálparskipið Sanco Sky.
Polar Empress hevur onga arbeiðsuppgávu í løtuni, og tók av tilboð frá Vágs Havn um at liggja á Vági, eftir at hava ligið á Sálafjørðinum og í Nólsoyarfirði.
Og tey hava sæst aftur hesar dagarnar, ið tey higartil hava ligið á Vági. (Sí mynd).
Polar Empress er 112 metrar langt og 21 metrar breitt, og Sanco Sky er 73 metrar langt og 13 metrar breitt.
Sanco Sky er skrásett í Gibraltar, meðan stóra seismikkskipið Polar Empress er skrásett í Bergen, og telist millum tey stórstu av sínum slag í heiminum.
