Fullveldisflokkar kundu fingið báðar sessirnar

Hevði fullveldisvongurin klárað at staðið saman, so høvdu Annika Olsen og Høgni Hoydal verið vald á fólkating.

Tað sæst, um atkvøðutølini hjá sonevndu fullveldisflokkunum verða lagdar saman. Tað eru flokkarnir, sum í 1998 og í 2002 skipaðu fullveldislandsstýrið og uttanflokkalistin hjá Zakariasi Wang.

Tað vísir Zakarias Wang á í lesarabrævið á in.fo, nú atkvøðurnar frá fólkatingsvalinum eru fíntaldar.

Lesið eisini: Úrslitið av fólkatingsvalinum 2015

– Tilsamans fingu sjávstýrisflokkarnir 12.199 atkvøður. Javnaðarflokkurin fekk 5670 og Sambandsflokkurin 5496. Vit hava lutfalsval, so atkvøðutølini verða býtt við 1 og síðani 2 fyri at síggja hvør ið skal fáa umboðini.

– Verður atkvøðutalið hjá sjálvstýrisflokkunum býtt við 2 gevur tað 6100 ella 430 meir enn Javnaðarflokkurin fekk. Sostatt høvdu sjávstýrisflokkarnir við felags uppstilling fingið bæði umboðini, vísir Zakarias Wang á.

Um so var, at fullveldisvongurin stillaði upp á sama lista – og vit lata sum um, at atkvøðubýtið hevði verið tað sama – so hevði úrslitið verið soleiðis: