Heimildarfilmurin lýsir álopið á Ísrael 7. oktober í fjør.
Í Føroyum verður filmurin vístur tvær ferðir. Fyrra sýningin var í Finsen í gjár, og seinna sýning verður í Varpinum í Klaksvík í kvøld.
Tað er ísraelska sendistovan í Danmark í samstarvi við heiðurskonsulin í Føroyum og Vinafelagið Føroyar-Ísrael sum skipa fyri.
Ísraelski varasendimaðurin í Danmark, Jonathan Lebel, vitjar í Føroyum í hesum døgum. Hann var við til tiltakið, og fólk fingu høvi at heilsa upp á hann.
Nógv fólk leitaðu sær í auluna í Finsen, og tey vóru kensluborin eftir at hava sæð ísraelska heimildarfilmin.
