Á kvinnudegnum minnast vit tær kvinnur og teir menn, sum slóðaðu og arbeiddu fyri kvinnurættindum.
Elsebeth Mercedis Gunnleygsdóttur, landsstýriskvina í almannamálum, heldur, at vit hava framvegis tørv á at halda kvinnudag.
–Sjálvandi hava vit tað. Vit halda hesar dagarnar fyri at minnast og virða tað arbeiðið og teir dystir, sum eru vunnir. Og tað er heldur ikki avmarkað til bert kvinnudagin, tí tað eru fleiri dagar, har vit steðga og minnast á.
– Vit hava havt kvinnur, sum veruliga hava stríðst fyri, at vit eru komin so langt, sum vit eru í dag. Vit hava ikki tey somu stríðini og tær avbjóðingarnar í dag sum fyrr; atkvøðurættin hava vit langt síðani fingið, og tað er rúm fyri, at kvinnur kunnu fáa tey arbeiðini, ið tær vilja. Møguleikarnir eru teir somu fyri bæði kynini, og vit skulu eggja kvinnum til at taka av teimum møguleikunum, sigur Elsebeth Mercedis Gunnelygsdóttir.
Les alla samrøðuna við landsstýriskvinnuna í almannamálum í Vikuskiftissosialinum her.
