Tað verða trý fólkavald, sum stillar upp á listanum hjá Framsókn til býráðsvalið í Havn. Umframt býráðslim floksins seinastu fýra árini, Bergunn Kass, so stilla bæði løgtingsfólk floksins, Ruth Vang, forkvinna, og Bjarni Kárason Petersen, løgtingsmaður, upp til býráðsvalið.
Á seinasta býráðsvalið varð Bergunn Kass vald í býráðið við 188 persónligum atkvøðum.
Framsókn fekk á valinum 1.094 atkvøður, sum er 9,0 prosent av atkvøðunum. Tað gav flokkinum 10. sessin í Tórshavn býráð. Tað merkir, at flokkurin var rímuliga tryggur, tí tríggir aðrir sessir vórðu býttir út á flokkarnar, eftir at Framsókn fekk sín sess. Seinastu sessirnar áttu Javnaðarflokkurin (11.), Tjóðveldi (12.) og Fólkaflokkurin (13.).
Soleiðis var atkvøðubýti á listanum hjá Framsókn á seinasta býráðsvalið í Havn:
1. | Bergun Kass | 188 |
2. | Ruth Vang | 153 |
3. | Súsanna Olsen | 130 |
4. | Høgni Reistrup | 129 |
5. | Fridtleif Birgar Johannesen | 113 |
6. | K. Sissal K. Kristiansen | 81 |
7. | Poul Clementsen | 65 |
8. | Oda W. Andreasen | 56 |
9. | Róaldur Jákupsson | 49 |
10. | Berit W. Samuelsen | 45 |
11. | Birita Arge | 26 |
12. | Aleksandur L. Olsen | 15 |
