Fram og Vestmenningur, sum hava skift høvuðsmotor á Tórshavnar Skipasmiðju, verða skjótt klárir at fara til fiskiskap aftur, teir fara royndartúr leygarmorgunin kl. 8. Arbeiðið hevur gingið væl, teir byrjaðu uppá arbeiðið um miðjan mars. Nýggju høvuðsmaskinurnar, sum eru av slagnum Wartsila, eru 1305 HK, skipini høvdu MWM maskinur, sum eisini vóru 1305 HK.
Um alt vísir seg at rigga væl leygarmorgunin, verður farið til fiskiskap aftur mánadagin, og tá verður farið á gulllaksafiskiskap, sigur Tummas Christoffersen, reiðari.
Skipini, sum royna eftir gulllaksi, hava havt góðan fiskiskap.
