LGBT rørslan fekk stóra umrøðu á tingi í gjár. Ikki tí hon varð nenvd beinleiðis, men óbeinleiðis av Jenisi av Rana og Steffani Klein Poulsen, sum fingu góðan stuðul frá Jørgen Niclasen, Bárði á Lakjuni og Jacob Vestergaard, tá teir løgdu formansskapin í Løgtinginum undir at hava eina dulda dagsskrá við uppskotinum, sum skal javnseta kvinnur við menn í formliga málinum á tingi.
Miðfloksmenninir søgdu, at dulda dagssrkáin hjá formansskapinum gekk út uppá, at fólk, sum hvørki kenna seg sum kvinnu ella mann skulu kunnu sleppa at nevna seg »tingfólk«.
Hóast hesir menn í hálvan triðja tíma royndu at sannføra tingið um tað »vandamikla«, sum formansskapurin var í holt við, vóru tað bara miðfloksmenninir og menninir í Fólkaflokkinum, sum atkvøddu ímóti málinum.
Talan var um tvey mál. Eitt lógaruppskot um broyting í stýrisskipanini og eitt uppskot um broyting í tingskipanini.
Tá atkvøtt var um fyrra málið vóru 26 fólk fyri og 7 ímóti. Teir, sum vóru ímóti, vóru teir fimm menninir í Fólkaflokkinum og teir báðir í Miðflokkinum.
Tá atkvøtt var um broytingina í tingskipanini, skifti formaður Fólkafloksins, Beinir Johannesen støðu og atkvøddi fyri. Nú vóru 27 atkvøður fyri og 6 ímóti.
Soleiðis atkvøddu tingfólk í málinum um broyting í stýrisskipanini:
##med2##
##med3##
##med4##
Soleiðis atkvøddu tingfólk í málinum um broyting í tingskipanini:
##med5##
##med6##
##med7##
