Sum væntað telist Jógvan Skorheim, fyrrverandi sjálvstýrismaður, fyrrverandi borgarstjóri og toppskorari á seinastu býráðsvalunum í Klaksvík á listanum hjá Fólkaflokkinum.
Eftir at hann meldaði seg úr Sjálvstýrisflokkinum eftir seinasta býráðsval og upp í Fólkaflokkin, var upplagt, at hann eisini fór at stilla upp fyri Fólkaflokkin hesaferð.
Fólkaflokkurin í Klaksvík hevði endaligan uppstillingarfund í gjár. Greitt er, at tær báðar kvinnurnar hjá Fólkaflokkinum í býráðnum, Gunvá við Keldu og Jóhanna Christiansen eru ikki á listanum hesaferð.
Á listanum hesaferð eru:
• Andreas Josephsen
• Atli Steinbjørn Justinussen
• Eyðstein Ó. Poulsen
• Fríðin Ziskason
• Frímund Hansen
• Ísak Mikladal
• Jógvan Skorheim
• Mona Maria úr Fugloy
• Oddmar á Lakjuni
• Rannvá Isaksen
• Símun á Høvdanum
Teir fimm býráðslimirnir hjá Fólkaflokkinum fingu á seinasta býráðsvali tilsamans 926 persónligar atkvøður. Teir tríggir býráðslimirnir hjá Fólkaflokkinum, sum stilla uppaftur hesaferð, saman við Jógvan Skorheim, sum varð valdur fyri Sjálvstýri seinast, fingu tilsamans 960 persónligar atkøvður á seinasta býráðsvali.
Valúrslitið á seinasta býráðsvalið í Klaksvík:
##med2##
##med3##
##med4##
