Fríggjakvøldið tók føroyingaliðið í næstbestu norsku hondbóltsdeildini, Ryger Stavanger móti botnliðnum, Ros á heimavølli.
Ryger vann ein 46-28 stórsigur á Ros. Í steðginum var Ryger á odda 22-13.
Tróndur Mikkelsen skoraði seks mál uppá átta málroyndir, og Julian J. Kragesteen (myndin) skoraði eitt mál.
Ryger Stavanger er nummar fimm í deildini við átta stigum. Fýra stig eru upp til fremstu liðini, Sandefjord, Bergen og Viking TIF, ið øll hava 12 stig.
Sunnudagin 6. november er lagt upp til føroyingauppgerð. Tá tekur liðið hjá Teis Horn Rasmussen, Follo ímóti Ryger á heimavølli.
