Helgi H. Hoydal, Pauli Mittún og liðfelagarnir í Kristiansand høvdu stóra og tunga uppgávu í heimadysti í bestu norsku hondbóltsdeildini í dag.
Greiða oddaliðið, Kolstad sum enn ikki hevur sett eitt stig til var á vitjan í Kristiansand.
Tað gekk heiðurliga hjá Kristiansand sum tapti 27-33 fyri Kolstad. Í steðginum var Kolstad á odda 15-19. Kolstad var burtursæð frá støðuni 2-2 í byrjanini av dystinum á odda allan dystin, men tað sá ongantíð ljótt út hjá Kristiansand móti liðnum, ið hevur 34 stig aftaná 17 dystir.
Kristiansand er nummar átta í deildini við 14 stigum.
Helgi skoraði trý mál, og Pauli legði upp til sjey mál hjá Kristiansand í dag.
