Poul Michelsen, landsstýrismaður í Uttanríkis- og Vinnumálum, er í hesum døgum í Genéve, har hann skal luttaka í eini ST hoyring í morgin.
Uttanríkis- og Vinnumálaráðið skrivar á síni heimasíðu, at hoyringin er liður í Universal Periodic Review (UPR) tilgongdini hjá ST. Hetta er ein tilgongd, har øll ST limalond lata eina frágreiðing inn og síðani skulu fyri Mannarættindaráðið at eftirmeta mannarættindastøðuna í landinum.
Føroyar lata ikki sína egnu frágreiðing til nevndina, men hava eitt serstakt ískoyti í frágreiðingini hjá Danmark.
Tað ískoyti tekur millum annað støði í hoyringini, ið Uttanríkistænastan skipaði fyri á almennari hoyring 27. mai í Posthúskjallaranum.
Til ber at lesa alla frágreiðingina her.
