Í kvøld skal føroyska fótbóltslandsliðið stríðast fyri at sleppa undan at enda á aftasta plássinum í bólki 3 í Nations League 4. deild.
Føroyar spæla á Ta´Qali leikvøllinum á Malta ímóti vertstjóðini sum hevur tvey stig aftaná fimm dystir. Føroyar hava fýra stig fyri fimm dystir.
Føroyar kunnu við sigri ella javnleiki tryggja sær triðja plássi í bólkinum, ið hevði verið eitt gott plástur á sárið aftaná fleiri vónbrot í Nations League kappingini.
Tróndur Arge sigur beinleiðis frá dystinum millum Malta og Føroyar á FM1 í kvøld. Dysturin byrjar klokkan 19.45. Sendingin byrjar aftaná tíðindasendingina sum verður klokkan 18.30.
Øll kunnu hoyra frásøgnina á www.midlar.fo. Vanligu frekvensirnir hjá FM1 eru FM 88,7, FM 91,7, FM 93,9, FM 95,5 og FM 98,7.
Ljóðsamrøður við spælarar og venjara koma út á in.fo seinni í kvøld. In.fo hevur beinleiðis tekstfrásøgn frá dystinum.
