Í morgin verður næstseinasta umfarið í Betrideildini hjá monnum leikt.
FM1 sigur beinleiðis frá tveimum dystum, ið báðir byrjar klokkan 15.
Talan er um dystin millum HB og TB á Tórsvølli og dystin millum NSÍ og KÍ við Løkin í Runavík. HB kann við sigri á TB tryggja sær meistaraheitið. NSÍ og KÍ eru í harðari kapprenning um annað plássið, ið gevur atgongd til Europa League undankappingina komandi ár.
Frásøgumenn hjá FM1 eru Tróndur Arge og Sjúrður H. Hoydal. FM1 fylgir eisini gongdini í dystunum Víkingur-B36, ið byrjar klokkan 15, og ÍF-AB, ið byrjar klokkan 14.30. Fimti dysturin, ið er millum EB/Streym og Skála byrjar ikki fyrrenn klokkan 17.
Hæddarpunkt og ljóðsamrøður koma út á in.fo tá dystirnir eru lidnir.
