Ígjár segði FM1 frá trimum av fýra dystum í Betrideildini hjá monnum.
Í kvøld sigur FM1 frá einum sera týðandi dysti í botnstríðnum í Betrideildini.
Talan er um dystin millum ÍF og EB/Streym í Fløtugerði í Fuglafirði. Bæði liðini hava trý stig, og liggja beint omanfyri AB sum hevur tvey stig, og TB og Skála sum hava eitt stig. Liðið sum vinnur dystin í Fløtugerði í Fuglafirði í kvøld kann lyfta seg væl frá botninum.
Dysturin byrjar klokkan 19.
FM1 sigur beinleiðis frá dystinum. Sendingin byrjar nakrar minuttir í klokkan sjey, nakað aftaná, at tíðindini hjá Árna Gregersen eru endursend.
Ljóðsamrøður við umboð fyri ÍF og EB/Streym koma út á in.fo í kvøld.
In.fo hevur beinleiðis tekstfrásøgn frá dystinum.
