##med2##
Tað var ein góð reklama fyri føroyskan manshondbólt KÍF og H71 reikaðu fyri í hádramatisku fyrstu/fyrru FM-hálvfinaluni í Burn Mansdeildini tá liðini hittust í Kollafirði í kvøld.
Í allarseinasta sekundinum av dystinum fekk Pætur Thomsen sett bóltin í málið til 27-26 sigur til H71, og mundi fagnaðurin ongan enda fingið hjá H71-viðhaldsfjøldini.
Á ljóðfíluni omanfyri ber til at hoyra frá FM1:
1) Hoyr frásøgumannin hjá FM1, Sjúrð H. Hoydal siga frá sera spennandi dystarendanum.
2) Hoyr samrøðuna Sjúrður gjørdi við ein fegnan sigursmálsskjútta og toppskjútta hjá H71, Pætur Thomsen: - Eg visti, at har var eingin tíð eftir, so tað var bara eitt at gera og tað var at leypa inn og skjóta, segði Pætur um 27-26 sigursmálið.
3) Hoyr samrøðuna Sjúrður gjørdi við ein vónbrotnan Ása Dam hjá KÍF, ið harmast úrslitið, men staðfestir eitt gott KÍF-avriki frammanfyri einari góðari áskoðarafjøld.
1. Hálvfinala (best at trimum) KÍF-H71 26-27 (14-14)
Toppskjúttar KÍF: Tony Weyhe 5, Hans Eli Sigurbjørnsson 5, Andreas Nielsen 4 og Rani Højgaard 3.
Toppskjúttar H71: Pætur Thomsen 9, Djóni G. Joensen 6, Rúni V. Højgaard 4 og Peter Krogh 4.
Páskaaftan klokkan 20 hittast liðini aftur í Hoyvíkshøllini. Sjúrður H. Hoydal sigur beinleiðis frá dystinum á FM1.
