Vinnuhúsið:
Tiltakið verður hildið 27. og 28. februar á Glasi, og vit vilja fegin bjóða áhugaðum – serliga næmingum, foreldrum og vinnulívsfólki – at koma at síggja dygdarhandverk og møta teimum, sum mynda framtíðina í føroyskum handverki.
Kappingin byrjar hósmorgunin kl. 8:10, og kl. 9:40 verður tiltakið sett. Tað verður landsstýrismaðurin við ábyrgd av yrkisútbúgvingarøkinum, Djóni Nolsøe Joensen, sum setur FM fyri handverkslærlingar. Til setanina fer arkitekturin, Ósbjørn Jacobsen, at hugleiða um tað góða handverkið.
Ímeðan kappingin er í gongd, fara næmingar í 8. flokki at vitja, har teir sleppa at síggja lærlingarnar arbeiða og fáa innlit í ymsu handverksyrkini.
Fríggjadagin heldur kappingin fram frá kl. 8:10, og kl. 13:50 eru allar kappingar lidnar. Síðani fara dómararnir at meta um avrikini, áðrenn vinnararnir verða kunngjørdir og heiðraðir kl. 16:00.
Vit vóna at síggja nógv fólk til hetta týdningarmikla tiltakið, har vit í felag kunnu hátíðarhalda handverksfakini og okkara evnaríku lærlingar.
Skráin fyri FM fyri handverkslærlingar
Hósdagur 27. februar
08:10 – Kapping byrjar
09:40 – Tiltakið verður sett og steðgur hjá luttakarum
10:10 – Kappingin heldur fram
10:15 – 8. flokkar koma at vitja
12:10 – Døgurðasteðgur hjá luttakarum
12:30 – 8. flokkar eta
12:40 – Kappingin heldur fram
14:00 – Kaffisteðgur
14:15 – Kappingin heldur fram
17:30 – Liðugt fyri í dag
Fríggjadagur 28. februar
08:10 – Kappingin byrjar
10:00 – Kaffisteðgur
10:15 – Kappingin heldur fram
12:10 – Døgurðasteðgur hjá luttakarum
12:40 – Kappingin heldur fram
13:50 – Allar kappingar lidnar
14:00 – Døming
16:00 – Handan
Takið vinir, familju og starvsfelagar við og komið og upplivið handverksfakini í hæddini.
