Í gjár um klokkan 19.30 varð boðað frá hjá løgregluni, at olja varð funnin á Vestaru Vág í Havn. Løgreglan kannaði málið, og tað vísti seg at stava frá Skipasmiðjuni.
Tí á Skipasmiðjuni stóð ein bátur, sum fólkini á skipasmiðjuni høvdu arbeitt upp á um dagin, og frá bátinum var olja runnin niður og á sjógv.
Vakthavandi á løgreglustøðini sigur, at sløkkiliðið varð boðsent, og seint í gjárkvøldið hevði sløkkiliðið tikið um 1000 litrar upp úr sjónum, men enn er nakað eftir, og arbeiði at taka oljuna upp er framvegis í gongd.
