Seinasta árið eru fleiri fólk farin at selja mat heimanífrá - eitt nú køkur, pitsur, matveiting til tiltøk og annað. Men fleiri teirra hava fingið boð frá myndugleikunum um at gevast við virkseminum, tí matvøruvirksemi krevur í allarflestu førum loyvi.
Í hesum sambandi minnir Ferðavinnufelagið á hetta á heimasíðuni hjá Vinnuhúsinum.
Tey vísa á eina vegleiðing hjá Heilsufrøðiligu Starvsttovuni fyri, hvussu farast skal fram, tá ið loyvi til matveiting skal søkjast - sum sæst at lesa her: Nýtt virksemi – Løggilding og skráseting.
Undantikið kravinum um løggilding og skráseting frá Heilsufrøðiligu Starvsstovuni er:
- Virksemi, ið einans fer fram fáar ferðir árliga (t.e. ikki fleiri enn 5 ferðir) – Hissini søla
- Matur veittur vitjandi í privata húsarhaldinum – Heimablídni
- Veitan av morgunmati í sambandi við Ból og Bita í privata húsarhaldinum
- Beinleiðis veitan av føroyskum seyða- og neytakjøti til endabrúkaran, t.e. durasøla
Heilsufrøðiliga Starvsstovan hevur gjørt vegleiðing til Heimablídni og Hissini sølu.
Viðvíkjandi Heimablídni er millum annað treyt, at:
- veitarin býr á staðnum
- maturin verður gjørdur í køki, sum veitarin sjálvur nýtir dagliga
- veitarin ger og borðreiður matin sjálvur
- tað eru húsfólk, sum eru vertir
- virksemið er einans eftir avtalu
Staðfest verður, at Heimablídni m.a. ikki er:
- kafé ella matstova og verður marknaðarført sum kafé við matarskrá
- høli sum eru innrættað til kafé- ella matstovuendamál
- høli, t.d. úthús, fjós, neyst (sum ikki er heimið)
- fastar upp- og afturlatingartíðir
- er opið fyri almenninginum uttan avtalu frammanundan
Les meira HER.
