Hagstova Føroya hevur gjørt hagtøl fyri inntøkubýti og fátækravága fyri 2013. Hetta er fimta árið, at Hagstovan ger hesi hagtøl upp, og fyri 2013 vísir uppgerðin, at 10,3% av føroyingum liva í fátækraváða. Fátækraváði verður uppgjørt á tann hátt, at inntøkan er undir 60% av median-inntøkuni. T.e. mittasti inntøkubólkurin av borgarum og ikki meðal-inntøkan hjá borgarunum í landinum.
Føroyar vóru í 2013 tað norðanlandið, har næstfæstu borgararnir liva í fátækraváða. Í Íslandi liva 9,3% av fólkunum í fátækraváða. Hinvegin er talið í Svøríki 14,8%, meðan danska talið er 12,3%.
Eitt annað mát, sum verður lýst at lýsa fátækraváðan er sonevnda inntøkugloppið. T.v.s. hvussu stórt gloppið hjá teimum, sum liva í fátækraváða, er upp til markið. Eru nógv, sum liggja langt undir markinum, verður inntøkugloppið størri. Í Føroyum var vísitalið fyri heta gloppið 11,9 í 2013, og tað er nógv tað lægsta í norðanlondum.
Sæð yvir seinnu fimm árini, so eru tað fleiri føroyingar, sum nú liva í fátækraváða. Talið var 8,8% í 2009, og meðan tað fall til 8,5% í 2010, er talið støðugt økt seinastu trý árini. Hinvegin er inntøkugloppið minkað, so tað er í dag ikki so langt lop millum tey, sum liva í fátækraváða til tey, sum eru omanfyri markið.
Uppgerðin hjá Hagstovuni og viðmerkingar til hesa kunnu lesast HER.
