Atlantic Airways boðar í dag frá, at fleiri broytingar eru gjørdar í dagsins flogferðslu orsakað av tekniskum trupulleikum.
Seinkingarnar eru hesar:
RC492 úr Vágum til Mallorca var seinkaður og fór kl. 13.00. RC493 úr Mallorca til Vágar er tí somuleiðis seinkað og fer úr Mallorca kl. 18.30.
RC430, ið eftir ætlan skuldi fara úr Vágum til Bergen í morgun, er lagdur saman við RC456 til Keypmannahavnar kl. 14.55. Hesin túrurin verður sostatt via Bergen og lendir tí væntandi í Keypmannahavn umleið ein tíma seinni enn upprunaliga ætlað.
RC459 úr Keypmannahavn til Vágar flýgur via Bergen (RC459) og lendir kl. 21.30 í kvøld. Fráferð úr Bergen verður kl. 21.35.
RC470 úr Vágum til Billund er seinkaður og fer úr Vágum kl. 22.10. RC471 úr Billund til Vágar flýgur kl. 02.00 úr Billund.
RC460 úr Vágum til Keypmannahavnar er somuleiðis seinkaður og fer úr Vágum kl. 22.35.
Allar tíðir eru lokalar.
Fyrivarni verður tó tikið fyri fleiri broytingum. Ferðafólk verða tí biðin um at fylgja við á heimasíðuni hjá Atlantsflogi, atlantic.fo.
