Ein heilivágur hjá fyritøkuni, sum í seinastuni hevur verið nógv umrøddur, er hostasaft.
Illgruni er nevniliga um, at hostasaft hjá Riemann labs hevur tikið lívið av fleiri børnum í ymiskum londum.
Heilivágsfyritøkan er hin fjórða í India, sum hevur verið noydd at steðgað hesi framleiðslu.
Sambært norska kringvarpinum NRK er Illgruni um, at hostasaft úr India hevur verið orsøk til, at 12 børn eru deyð í Kamerun.
Eisini í Gambia er illgruni um, at hostasaft frá indiskum framleiðarum hevur verið orsøk til 70 barnadeyðsføll í landinum.
- Børnini doyðu, tí nýruni sviku, eftir at tey høvdu fingið av hostasaft úr India, skrivar NRK.
##med2##
Fyrr í ár gjørdist kent, at Heimsheilsustovnurin WHO hevur knýtt 300 barnadeyðsføll til eitrandi innihald í hostasaft.
Deyðsføllini eru skrásett í eitt nú Indonesia, Usbekistan og Gambia.
Sambært NRK hava indiskir myndugleikar avdúkað fleiri vansar við heilivági hjá heilivágsfyritøkuni, Riemann labs.
