Tað var eftir øllum at døma ein ov stórur ordri, sum Dahl Flagfabrik sendi svensku seymistovuni, sum seymaði fløggini, sum danska stjórnin bílegði í sambandi við, at flaggast skuldi við føroyskum og grønlendskum flaggi á øllum teimum 534 flaggstongunum hjá statinum á ólavsøku og á grønlendska tjóðardegnum 21. juni.
Tað veit útvarpið at siga burtur úr frágreiðingini um snópisligu flagggøluna á ólavsøku.
Sambært frágreiðingini hevði Svenska seymistovan ikki stundi at avgreiða bíleggingina av føroysku fløggunum á rættan hátt. Dahls Flagfabrik hevði heldur ikki stundir at kanna fløggini, áðrenn tey vórðu send út – millum annað til Sorinskrivaran í Havn.
