Nú verður aftur skipað fyri Fitness Føroyar kapping. Hesa ferð er kappingin í Norðurlandahúsinum og hon verður leygardagin 17. mai.
Hesa ferð skulu kappingarneytarnir eisini hála seg upp til høkuna við ørmunum, tað sum á fakmálið verður kallað chin-up. |
Hinar tríggjar kappingarnar eru rógving, dips og posera, ella at vísa vøddar og symmetri.
Rógvingin er styttri í ár enn í fjør, tí í fjør varð róð 1000 metrar, men í ár er teinurin 500 metrar. Hinvegin er meiri mótstøða í rógvimaskinunum í ár.
Altjóða dómarar koma til Føroya at døma í Fitness Føroyar kappingini í ár.
