Mánadagin klokkan 15 letur Finleif Mortensen eina framsýning upp í ”Horninum”.
”Hornið” er partur av Glarsmiðjuni í Dr. Jacobsensgøtu 7 í Havn, sum verður brúkt til skiftandi framsýningar.
Framsýningin hjá Finleifi hevur fingið heiti ”Ljós í myrkri”.
Hóast tað er vetur, og tað er myrkt, eru teir 20 málningarnir, sum við eru á framsýningini, ljósir og lættir.
Umframt tær afturvendandi bygdalýsingarnar, eru nakrir málningar, sum lýsa Havnina og útsýnið millum Borðuna og Glyrursnes.
Eisini er útsýnið frá atelierinum hjá listamanninum nakað sum sæst aftur í málningunum.
Hetta er aðru ferð, at Finleif Mortensen sýnir fram í ”Horninum” í Glarsmiðjuni, sum hann annars samstarvar við, og har hann leypandi sýnir fram málningar.
Framsýningin kann síggjast til 6. desember frá týsdegi til fríggjardag frá klokkan 10–17.30.
