Í vikuskiftinum var stóra mentanartiltakið Norðurljós hildið í Klaksvík fyri fyrstu ferð. Norðurljós snýr seg um list og mentan í breiðasta týdningi, og fleiri av tiltøkunum á skránni vóru rættiliga forvitnislig og forkunnung.
Millum tiltøkini, ið hava verið um vikuskiftið kann uppboðssølan av málningum í Posthúskjallaranum nevnast, har nøkur av okkara allarfremstu listafólkum lótu málningar til uppboðsølu til frama fyri mentanarhús-verkætlanina. Innkomni peningurin fer til grunnin Mentanarhúsið.
Vinningurin av søluni fer til nýggja mentanarhúsið í Klaksvík, og Beinta Gregersen, samskipari, sigur, at áleið 143.000 krónur komu inn á uppboðsøluni.
