Føroyska U17-landsliðið hjá dreingjum hevur av álvara ment seg ígjøgnum NM-kappingina, sum hevur verið spæld í Íslandi seinastu dagarnar. Eftir 8-1-stórtap ímóti Danmark í fyrsta dystinum, taptu dreingirnir týsdagin tepurt 2-1 ímóti Finnlandi.
Í dag bleiv úrslitið enn betri. Mótstøðuliðið var Svøríki, sum hevði vunnið 2-0 ímóti Finnlandi og tapt 1-0 ímóti Danmark. Føroysku dreingirnir stóðu seg sera væl í dag, og endaliga úrslitið gjørdist ein málleysur javnleikur, nevniliga 0-0.
Føroyar enda aftast í bólkinum, men eitt gott plástur á sárið var at fáa eitt stig í dag. Teir, sum byrjaðu inni hjá Føroyum í dag, vóru hesir:
Bjarti Vitalis Mørk
Meinhard Debes Geyti
Regin í Geil Jacobsen
Elias El Moustage
Hanus Sørensen
Símun Sólheim
Óli Eyðsteinsson Poulsen
Jóhann Hansson Joensen
Bárður Ólavsson Jensen
Pætur Eliasen
Sveinur Lava Olsen
