Tríggir limir í amerikonsku Kongressini og fleiri amerikanskir fjølmiðlar hava fingið hóttanarbræv við hvítum pulvuri í. Kanningar hava víst, at pulvurið er vandaleyst.
Innihaldið í brævinum er hinvegin ikki sakleyst, og harafturat hóttir sendarin við at senda øllum teimum 100 limunum í Senatinum bræv ein av fyrstu døgunum. Sendarin krevur millum annað, at politikararnir skulu gevast við at hjálpa bankum og øðrum fíggingarstovnum við pengum frá skattaborgarunum.
Brøvini, sum teir tríggir tingmenninir og fjølmiðlarnir hava fingið, eru send úr statinum Oregon.
