Fimm fólk, sum eru undir mistanka fyri at hava fyrireikað yvirgangsálop, eru í dag handtikin í Svøríki.
Tað upplýsir svenska fregnartænastan, Säpo, í tíðindaskriv.
Málið er eitt av fleiri, sum løgreglan í Svøríki kanna í kjalarvørrinum av koran brenningunum í januar.
Tað sigur Susanne Trehörning, sum er varastjóri í deildini hjá Säpo fyri stríðið ímóti yvirgangi.
Tað var dansk-svenski Rasmus Palundan, sum í januar brendi eina koran framman fyri sendistovuna hjá Turkalandi í Stókkhólmi.
– Hetta málið er eitt av fleiri, sum Trygdarløgreglan (Säpo, red.) hevur arbeitt við eftir mótmælini, sum vóru vend ímóti Svøríki í sambandi við nógv umrøddu kronubrenningina í januar, og har tað vóru altjóða áheitanir um álop, sigur Susanne Trehörning í boðunum.
/ritzau/
