At sýsluformansval verður, merkir, at nevndarlimir skulu veljast í stjórnina í felagnum, sum saman við felagsformanninum mynda leiðslu felagsins.
Tað eru seks sýsluformenn, sum skulu veljast, og freistin at stilla upp til valið er 4. desember klokkan 16.
Fiskimannafelagið verður stýrt av eini felagsstjórn, sum hevur sjey limir, seks sýsluformenn og felagsformaðurin.
Ein sýsluformaður verður valdur fyri hvørja sýslu, og tveir tiltaksmenn verða valdir fyri hvønn sýsluformann.
Felagsstjórnin, sum soleiðis er sýsluformenninir saman við felagsformanninum, velur sínámillum næstformannin í Fiskimannafelagnum.
Eins og undanfarin ár, heldur Føroya Fiskimannafelag aftur í ár landsfund millum jól og nýggjár, tá flestu fiskimenn eru heima.
