Komandi týskvøld er møguleiki at hoyra ein av eldri jassbólkunum í Føroyum, tá ið bólkurin Fagrir Fuglar trína á pall í Hvonn. Høvuðspersónar eru Kristian Blak á klaver og Karsten Vogel á saxofon.
Karsten Vogel hevur spælt við Jazz/Rock bólkinum Burnin Red Ivanhoe, og instrumental fusión bólkinum Secret Oyster. Hann hevur verið á konsertferð saman við mætum bólkum sum Weather Report og Herbie Hancock. Hann hevur eisini vunnið fleiri virðislønir, og í 2004 bleiv hann heiðraður sum ?Lifetime? komponistur av Danska Kulturministerium.
Saman við Føgrum Fuglum hevur hann millum annað upptikið fløguna ?Veðurløg? í Klæmintsgjógv í Hesti. Hann er kendur í Føroyum sum tónleikari, sum hevur samstarvað nógv við føroyingar og hevur vitjað her fleiri ferðir.
