Áðrenn kappingin í Premier League fór í gongd varð breið semja millum fótbóltsserfrøðingarnar, at Chelsea, Manchester City, Arsenal, Liverpool og Manchester United vóru favorittar at taka fimm tey ovastu plássini í Premier League, tá kappingin verður liðug í maj 2015.Men mett í mun til øll kappingarár í Premier League síðani 1992-93, so hava favorittarnir hjá serfrøðingunum til fimm tey ovastu plássini ongantíð fingið eina verri byrjan enn hetta kappingarárið.
Topp 5 favorittarnir hjá serfrøðingunum hava higartil fingið samanlagt 41 stig fimm tey fyrstu umførini, sum er tað lægsta nakrantíð eftir fimm umfør í Premier League. Her síggjast stigini hjá topp 5 favorittunum eftir fimm umfør :
1. Chelsea – 13 stig
4. Arsenal – 9 stig
6. Manchester City – 8 stig
11. Liverpool – 6 stig
12. Manchester United – 5 stig
Samanlagt 41 stig.
Søguliga tabelin í søguni hjá Premier League fyri topp 5 favorittunum hjá fótbóltsserfrøðingunum sær soleiðis út. Talan er um stigatalið eftir fimm umfør hjá teimum fimm liðunum fótbóltsserfrøðingarnar hava mett at verða topp 5 favorittar tey einsæris kappingarárini :
- 92/93: 44 stig
- 93/94: 44 stig
- 94/95: 54 stig
- 95/96: 52 stig
- 96/97: 47 stig
- 97/98: 46 stig
- 98/99: 37 stig
- 99/00: 52 stig
- 00/01: 40 stig
- 01/02: 46 stig
- 02/03: 41 stig
- 03/04: 49 stig
- 04/05: 51 stig
- 05/06: 50 stig
- 06/07: 43 stig
- 07/08: 52 stig
- 08/09: 49 stig
- 09/10: 60 stig
- 10/11: 53 stig
- 11/12: 50 stig
- 12/13: 51 stig
- 13/14: 51 stig
- 14/15: 41 stig
Kelda: tv2.no
