- Hetta er sjálvandi ein rættiliga stór øking. Serliga tá ein hugsar um, at tað eru sjey handlar færri nú enn tá, sigur Magnus Arge, formaður í Klaksvíkar Handilsfelag.
Hetta staðfestir hann, eftir at Klaksvíkar kommuna lat gera eina greining av handilslívinum. Og her kom ein eisini fram til, at fermetrartalið er økt við 3000, heilt upp í 10.000 fermetrar hesi árini.
Orsøkin til økingina er fyrst og fremst hon, at fleiri stórir handlar eru komnir til býin, aðrir eru útbygdir og úrvalið er munandi økt hjá uppaftur øðrum.
- Fleiri handlar hava eisini betri góðsku, - so góða, at hetta svarar til danskar standardir. Og tað sigur ikki so lítið, slær Magnus Arge fast.
