Fyrsta umfarið varð telvað í gjár. Martin Poulsen (2311 rating-stig) sigraði á Tejkal Jiri (1987 rating-stig) úr Kekkia, og Hans Kristian Simonsen (2240 rating-stig) vann á Karagiannis Dimitrios (1900 rating-stig) úr Grikkalandi.
Longu seinnapartin í dag skulu føroyingarnir aftur í eldin. Martin Poulsen skal royna at flyta svarta fólkið til sigurs móti Michal Cermak úr Kekkia. Hans Kristian Simonsen telvar við hvíta fólkinum móti Alexey Yatsenko, altjóða meistara IM, úr Russlandi.
133 telvarar luttaka í siðbundu kappingini, sum er partur av virkna talvumhvørvinum í Kekkia. Martin Poulsen er seadaður sum nummar 31, og Hans Kristian Simonsen sum nummar 47. Átta stórmeistarar og 17 altjóða meistarar luttaka í kappingini.
Kappingin endar fríggjadagin 15. januar.
