- Tað er nátúrligt, at samgongan millum Javnaðarflokkin og Tjóðveldisflokkin í Tórshavnar Býráð heldur fram eftir dyggu álitisváttanina, siga flokkarnir
Flokkarnir ásanna, at politiska samarbeiðið flokkanna millum fekk dygga álitisváttan á býráðsvalinum í gjár og tí er natúrligt at somu flokkar halda fram komandi valskeið.
- Framtíðar samarbeiðið byggir á tann grundvøllin, sum lagdur er í farna valskeiði, siga flokkarnir í tíðindaskrivi í dag.
Heðin Mortensen úr Javnaðarflokkinum verður valdur til borgarstjóra og Bogi Andreasen úr Tjóðveldi verður 1. varaborgarstjóri.
